Het

As ek 'n gedig moes skryf
Van hoe ek ons gesamentlikheid mis
En treur oor die verlies van jou lyf,
Sou dit uit selfsug wees.

Gemotiveerd deur my eiebelang. 

Gevoed deur my ego

Gedwing deur my begeerte

Om weer te wees waar ek eens op 'n tyd gewees het 
Om weer te doen wat ek eens op 'n tyd gedoen het
Om oor en oor te herleef 
Wat ek destyds so blasè geminag het...

Wat ek later met 'n bottel uit my gedagtes moes laat sink het 
(Of dis wat ek gedink het)

Miskien moes ek eerder 'n boodskap in die bottel gesit het...
As wat ek toegelaat het 
dat jy van my af weggedryf het
En ek gesink het 
Juis oor ek ons samesyn verdrink het...