Ek wou vir jou..
'n mooi gediggie skryf,
vir Kersfees of vir Nuwejaar....
Of dalk vir as jy weer verjaar,
maar net betyds het ek onthou,
dis mos deserdae half tabou!
Gif is gif en slang bly slang.
Hoe kon ek dink dat jy na so-iets kan verlang?
Al wat deesdae baat vir jou,
is jou kamera en die howe!
Al die ander goed (en beter, beste)
gaan mos jou verstand te bowe..
So hier is iets wat wel iets is,
nie soos Nuwejaar wat kamma is..
Middernag vannag (en dis nie vir 'n dromer)
is dit die middelpunt van somer!
Nie sommer so 'n dag dus nie,
'n regte einde en begin,
van 'n nuwe siklus, meetbaar in
die tydperk van 2 pi radiaal...
presies een omwenteling
van ons planeet se wenteling
om ons ou ster,
ons eie waterstofbomson.
Geniet dit dus,
geniet die rus,
geniet die weer begin...
Ek hoop jy is gesond,
reis dalk rond en bont,
sal tyd en plek genoeg ook hê
om besonderse fotos vas te lê...
Ek hoop dat hierdie wense nie
weer sondermeer
soos 'n ander keer,
jou verstand te bowe gaan nie.
Daar is 'n doel in my dwaling
so dink ek as ek dig
al word ek beskou as dig
deur die vir wie ek dig...
Ek hoop sonder hoop
ek word nie hopeloos en digter
as die mense vir wie ek dig...
Nou wonder ek:
maak dìe gedig
van MY 'n digter?
21122011 ..... 366 dae voor die "DOOMSDAY"? 21122012.... (Skrikkeljaar het dalk nog 'n sê te sê! ;-)
ReplyDeleteOf die Mayas in die rede geval is, of werklik gedink het die Somer Sonstilstand van 2012 is die einde van die begin of die begin van die einde, die sal ons oor minder as 10 maande weet!